Bakıda evdən 40 min manatlıq saat oğurlayan şəxs saxlanılıb.
Bu barədə Daxili işlər Nazirliyi (DİN) məlumat yayıb.
Bildirilib ki, Bakı Şəhər Baş Polis İdarəsi və Suraxanı RPİ-nin 33-cü Polis Bölməsinin əməkdaşlarının həyata keçirdikləri əməliyyat nəticəsində Zığ qəsəbəsində yerləşən evlərdən birindən 6 min manat dəyərində qızıl və 40 min manat dəyərində “Rolex” markalı qol saatı oğurlayan Qax rayon sakini, əvvəllər məhkum olunmuş 1971-ci il təvəllüdlü Hafiz Qocayev saxlanılıb.
Həmin şəxsdən əlavə olaraq 405 qram narkotik vasitə marixuana da aşkar edilərək götürülüb.
Həmçinin, Suraxanı RPİ-nin 33-cü PB-nın əməkdaşları tərəfindən son günlər aparılan profilaktik tədbirlər zamanı ümumilikdə 8 ədəd müvafiq sənədləri olmayan silah könüllü polisə təhvil verilib, müxtəlif şəxslərdən əməliyyat yolu ilə 2 ədəd odlu silah aşkar olunub, 14 fakt üzrə 3 kiloqram narkotik vasitə qanunsuz dövriyyədən çıxarılıb.
Şərhlər
40 mn manata da saat olar? Görəsən onun hansı özəllikləri var. Dünyanın bütün banklarını mənə versələr 40 min manat verib saat almaram. Bu nə həvəsdi bu adamlarda? Bir-birləri ilə bəns edirlər. Var-dövlətləri ilə öyünürlər. Başınız batsın xəstə, psix başınız.