Rusiyada 2023-cü ildə aviasiya qəzalarının sayı əhəmiyyətli dərəcədə artıb.
“AzPolitika.info” xəbər verir ki, bu barədə “The Wall Street Journal” açıq məlumatları öyrənən tədqiqat şirkətlərinə istinadən məlumat yayıb.
Nəşr Rusiyadakı aviasiya insidentlərinin əhəmiyyətli hissəsini 2022-ci ilin fevralında Ukraynaya genişmiqyaslı işğaldan sonra aviasiya sənayesinə qarşı tətbiq edilən sanksiyaların təsiri ilə əlaqələndirir.
“The Wall Street Journal”ın istinad etdiyi Almaniya araşdırma şirkəti “Jacdec”in məlumatına görə, 2023-cü ildə Rusiyada azı 19 sərnişin təyyarələrində 74 insident baş verib. Bir il əvvəl - 2022-ci ildə cəmi 36 belə hadisə baş verib ki, bu da iki dəfədən çox artım deməkdir. “Cirium” tədqiqat şirkətinin hesablamalarına görə, 2023-cü ildə Rusiyada hər 100 min uçuşda təxminən 10 insident baş verib, halbuki bir il əvvəl onların sayı iki dəfə az olub.
Eyni zamanda, ötən il Rusiyada iri avialaynerlərin qəzaya uğramasının qarşısı alınıb. Qurbanların sayı baxımından ən böyük fəlakət “Vaqner” PMC-nin qurucusu Yevgeni Priqojin və onun tərəfdaşlarının həlak olduğu şəxsi təyyarənin qəzaya uğraması olub.
Bundan əvvəl ən böyük rezonanslı aviasiya hadisəsi Ural Hava Yollarına məxsus təyyarənin Novosibirsk vilayətindəki sahəyə enməsi olub, onun hidravlik sistemi sıradan çıxıb. Təcili eniş zamanı ölən olmayıb.
Ekspertlər deyirlər ki, əksər hallarda ciddi ziyanın və ya insan itkisinin qarşısını almaq mümkün olsa da, davamlı texniki problemlər sərnişinlər üçün əhəmiyyətli risklər yaradır.
Sentyabrda Novosibirsk yaxınlığında baş verən qəzadan sonra “Novaya qazeta Europe” yazıb ki, yanvar-avqust aylarında Rusiyada mülki təyyarələrin iştirakı ilə 120-dən çox aviaqəza baş verib ki, bu da adi haldan 2 dəfədən çoxdur.
Rasim Əliyev
“AzPolitika.info”
Şərhlər