Bu gün Ukrayna Silahlı Qüvvələri Rusiyanın daha iki hərbi təyyarəsini məhv edib.
“AzPolitika.info” Ukrayna mətbuatına istinadla xəbər verir ki, bunlar Su-34 qırıcı-bombardmançısı və Su-35 qırıcısı olub.
Məlumatı Ukrayna Silahlı Qüvvələrinin Baş Komandanı Aleksandr Sırski və Hərbi Hava Qüvvələrinin komandanı, general-leytenant Nikolay Oleşşuk sosial şəbəkələrdə paylaşıblar.
Sırski bununla bağlı yazıb: "Bu gün səhər Ukrayna Silahlı Qüvvələrinin Hərbi Hava Qüvvələri qoşunlarımızın mövqelərinə idarə olunan bombalarla hücum edən iki Rusiya təyyarəsini məhv etdi. Bir Su-34 qırıcı-bombardmançısı və bir Su-35S qırıcısı."
General bildirib ki, bu, Ukraynanın şərq istiqamətində baş verib.
Xatırladaq ki, iki gün əvvəl - fevralın 17-də səhər eyni istiqamətdə Rusiyanın üç təyyarəsi eyni anda məhv edilib – iki ədəd Su-34 və bir Su-35.
Rusiya təbliğatı yalnız bir təyyarənin itirildiyini etiraf edib. Lakin Ukrayna Hərbi Hava Qüvvələrinin komandanı, general Nikolay Oleşşuk bu yalanı təkzib edən faktlar təqdim edib.
“AzPolitika.info”
Şərhlər