"Xocalıda dəhşətli soyqırım aktını törədən hərbi cinayətkarlar qanun qarşısında cavab verəcəklər".
“Report”un Rusiya bürosunun məlumatına görə, bunu Xəzər Strateji Araşdırmalar İnstitutunun baş direktoru İqor Korotçenko deyib.
Politoloq qeyd edib ki, erməni hərbi cinayətkarlarının cəzalandırılması ilə bağlı ədalətli tələbləri bölüşür.
“Xocalıya ədalət, ilk növbədə, o zamankı Ermənistanın dəhşətli siyasətinin nəticəsi olan günahsız mülki qurbanların xatirəsinə ehtiramdır”, - İ.Korotçenko vurğulayıb.
Onun sözlərinə görə, Azərbaycanın ərazi bütövlüyü və suverenliyinin tam bərpası məsələsində ədalət ikinci Qarabağ müharibəsinin nəticələri, eləcə də 2023-cü ildə həyata keçirilən antiterror tədbirləri sayəsində zəfər çalıb: “Bu gün ölkə səmərəli şəkildə inkişaf edir. müharibənin yaraları sağalır, məcburi köçkünlərin azad edilmiş ərazilərə qayıtması üçün genişmiqyaslı proqram qəbul edilib”.
Şərhlər
Vikipediyada qeyd edilir ki, Holokost ikinci Dünya Müharibəsi zamanı nasistlər tərəfindən Avropa yəhudilərinin sistematik şəkildə məhv edilməsinə verilən termindir. İngilis və bir sıra digər dillərdə qəbul edilən “Holokost” termini yunanca “holocauston” sözündən əmələ gəlir – ivritcə isə “ola” (“yandırma qurbanı”) sözü belə tərcümə olunur. XX əsrin 50-ci illərindən etibarən “Holokost” termini İkinci Dünya Müharibəsi zamanı Avropada nasistlər tərəfindən yəhudilərin kütləvi şəkildə məhv edilməsi kontekstində istifadə olunmağa başlanılmışdır. Holokost və soyqırım arasında heç bir fərq yoxdur. Təəssüf ki, Xocalıdakı soyqırımı lazım olan səviyyədə, yetərincə gözü çıxmış, qulağı kar olmuş dünyanın nəzərinə tam çatdıra bilmədik. Xocalıdakı soyqırım elə Holokostun bir tayıdır.