"Təkcə aqressiv ritorika deyil, həm də Putinin elan etdiyi qərarlar - Rusiyanın özünü təmin etməsini artırmaq, iqtisadiyyatı hərbi relslərə keçirmək, ordunu modernləşdirmək - bütün bunlar tamamilə ciddi qəbul edilməlidir".
“AzPolitika” xəbər verir ki, bunu Polşa Baş naziri Donald Tusk deyib.
Onun sözlərinə görə, Avropa başa düşməlidir ki, Rusiyanın dünyanı cəlb etdiyi “silah yarışı” Qərbi oyanmağa və potensial təhlükələrə hərbi nöqteyi-nəzərdən hazırlaşmağa məcbur etməlidir: “Aİ Rusiyanın hərbi imkanlarını tarazlaşdıran və Avropanı pis ssenarilərə daha yaxşı hazırlayan qərarlar qəbul etməlidir”.
Qeyd edək ki, Putin bu gün Rusiya Federal Məclisi qarşısındakı çıxışında ölkənin nüvə qüvvələrinin “tam hazır olması” barədə danışıb və NATO ölkələrinin hərbçilərinin Ukraynaya cəlb edilməsi halında nüvə silahından istifadə ediləcəyinə dair hədə-qorxu gəlib.
“AzPolitika.info”
Şərhlər