KONQRES MÜHARİBƏ LAYİHƏSİNİ SƏSVERMƏYƏ ÇIXARIR – “Rusiya ilə müharibəyə hazır olun!”

“Əgər ABŞ Nümayəndələr Palatası 758 saylı qətnaməni qəbul edərsə...”

Sabah ABŞ konqresində 758 saylı qətnamənin müzakirəsi olacaq. Bu qətnamə ABŞ silahlı qüvvələrinin strateji cəhətdən döyüş hazırlığının artırılmasını, Avropada gücləndirilməsini, eyni zamanda Rusiyanın izolyasiyasını nəzərdə tutur. Əksər müşahidəçilər bu qətnaməni yeni soyuq müharibənin başlanğıcı hesab edirlər.

Ohaya ştatından Nümayəndələr Palatasının keçmiş üzvü Denis Kusiniç də bu fikirdə olanlardandır. O, 758 saylı qətnamənin əleyhinə geniş kampaniya başladaraq, ABŞ vətəndaşlarını ona qarşı çıxmağa çağırıb. Kusiniç deyib:

“Rusiya–Amerika münasibətləri son 10 il ərzində ciddi şəkildə pisləşib. Əgər ABŞ Nümayəndələr Palatası (Konqres) 758 saylı qətnaməni qəbul edərsə, onda iki ölkə arasındakı münasibətlər daha da korlanacaq. ABŞ və Rusiya arasındakı gərginlik, yeni soyuq müharibə yaranacağı təqdirdə mənfət əldə etmək istəyənlər tərəfindən hər gün qızışdırılır. Çünki 1948-1991-ci illər arasındakı soyuq müharibə ABŞ vergi ödəyicilərinə 20 trilyon dollara (2014-cü ilin kursu ilə) başa gəlib ki, bu, hətta bizim 18 trilyon dollar təşkil edən indiki dövlət borcumuzu belə üstələyir.

Sabah ABŞ Nümayəndələr Palatası 758 nömrəli qətnamə layihəsini müzakirə edərək, səs verməyə çıxaracaq. Nəzərdə tutulan həmin qətnamənin qəbul edilməsi Rusiyaya qarşı soyuq müharibənin elan olunmasına bərabərdir. Konqresin qərarı yenidən soyuq müharibəni işə salacaq. Bu qətnamə Rusiyanı izolyasiyaya salmağı və strateji cəhətdən ABŞ silahlı qüvvələrinin döyüş hazırlığının artırılmasını və NATO nizamnaməsinin 5-ci maddəsinə xüsusi diqqət ayrılmasını tələb edir. Başqa sözlə, bu qətnamə onu söyləyir ki, Rusiya ilə müharibəyə hazır olun!

Məhz bu cür silah gücünün nümayiş etdirilməsi soyuq müharibənin başlanmasına və sonradan isə uzun illər ərzində onun şiddətlənməsinə güclü təkan vermişdi.”

V.Nəsibov

AzPolitika.info