Füzuli şəhərinə növbəti köç karvanı başlayıb.
“Report” xəbər verir ki, bu mərhələdə Füzuli şəhərinə cəmi 35 ailə (153 nəfər) köçürülür.
Köçürülən 35 ailədən 22-si (90 nəfər) Bakı şəhərindən, 5-i (20) Sumqayıt şəhərindən, 4-ü (24) Füzuli rayonundan, 2-si (12) Beyləqan rayonundandır. İmişli (3 nəfər) və Abşeron (4 nəfər) rayonlarının hər birindən isə bir ailə köçürülüb.
Bakı və Sumqayıt şəhərlərindən, Abşeron rayonundan köçürülən 28 ailə (114 nəfər) Qaradağ rayonu “Qobu Park-3” köçkün şəhərciyində məktəbin qarşısından Qaçqınların və Məcburi Köçkünlərin İşləri üzrə Dövlət Komitəsinin və Füzuli RİH-nin nümayəndələri tərəfindən yola salınıb.
Beyləqan, İmişli və Füzuli rayonunda məskunlaşmış 7 ailə (39 nəfər) məskunlaşdıqları ərazidən yola salınacaq və Füzuli rayonunun Əhmədbəyli kəndində köç karvanına qoşularaq bir yerdə hərəkət edəcəklər;
Köçürülənlərin nəqliyyat vasitələri karvanları Ağdam, Füzuli və Xocavənd rayonlarında Azərbaycan Respublikası Prezidentinin xüsusi nümayəndəliyinin əməkdaşları tərəfindən qarşılanacaq və onların yaşayış sahələrində yerləşdirilməsi ilə bağlı zəruri tədbirlər görüləcək.
Beləliklə, bugünkü köç də nəzərə alınmaqla Füzuli şəhərinə cəmi 562 ailə (2 120 nəfər) köçürülüb.
Şərhlər
Niyə bu qədər gecikir köçürülmələr?Niyə gedənlər bunca azdır?Başqa ölkələrdə camaat pul verib balalarını əsgərlikdən saxlatdırır, bizdə doğma torpaqlara qayıtmaqdanmı saxlatdırırlar özlərini?Bu qədər ver,səni gələn otpravkaya saxlayım?Aaaa!A balam,müharibəyə getmirsən ee,dədə-babalarının qəbirləri olan doğma torpaqlara gedirsən.Köçürülmələr sürətlənsin deyə gəlin nazirliklərin bir qismini oralara köçürək müvəqqəti də olsa,onda tezliklə xeyli adam gedəcək ora.Çoxusu nazirliklərdə işləyir axı,buraxammırlar yağlı vəzifələrini.Elə ki köçdülər,qaytaraq nazirlikləri təzədən Bakıya.