Azərbaycanlı qanuni oğru, "Lotu Quli" ləqəbi ilə tanınan Nadir Səlifovun qətlində təqsirləndirilən şəxslərin məhkəməsi başa çatıb.
“Report” xəbər verir ki, bu barədə “Hürriyet” məlumat yayıb.
Qeyd olunub ki, təqsirləndirilən şəxslər - Xaqan Zeynalov və Əmir Həmidli ömürlük azadlıqdan məhrum ediliblər.
Həmçinin məhkəmənin qərarı ilə daha 2 şəxsi - Əli Mövlamlı və Rəsul Həsənov 12 il 6 ay müddətinə azadlıqdan məhrum ediliblər.
Xatırladaq ki, N. Səlifov 2020-ci il avqustun 19-da Türkiyənin Antalya şəhərində qətlə yetirilib.
Şərhlər