Rusiyanın “Birinci Kanal” və “Rusiya 1” telekanalları Moskva yaxınlığındakı “Crocus City Hall”da terror aktı törətməkdə təqsirləndirilən dörd nəfərin dindirilməsinin görüntülərini yayıb.

“AzPolitika” xəbər verir ki, istintaq tacik əsilli Dalerjon Mirzoyevi, Raçabalizoda Saidakrami Murodalini, Fəriduni Şəmsidini və Məhəmmədsobir Fayzovu hücumun birbaşa icraçıları hesab edir.

“Birinci Kanal”ın yayımladığı reportajda iddia edilir ki, təqsirləndirilən şəxslərdən terror aktını törətmək əmrini kimin verdiyini soruşduqda hamısı “Sayfullo”nın adını çəkiblər.Təqsirləndirilən şəxslərin sözlərinə görə, bu adam terakt iştiakçılarını tapıb, onları silahla təmin edib, hücumun hədəfini müəyyənləşdirib və qaçış planını hazırlayıb.

Təqsirləndirilən Məhəmmədsobir Fayzov isə videoda deyir ki, qruplaşmanın hər birinə Ukrayna ilə sərhədi keçdikdən sonra 1 milyon rubl vəd edilib. “Birinci Kanal” FSB məlumatlarına istinadla bildirir ki, Ukrayna terrorçuların sərhədi keçə bilmələri üçün iki dəhliz açıb. Məlumata görə, Rusiya xüsusi xidmət orqanları Ukraynada hərbçilərin Sumı vilayətinin sərhədyanı Çuykovka və Sopiç kəndləri yaxınlığında minalardan təmizləmə fəaliyyətini qeydə alıb. 

“Rossiya 1” xəbər verir ki, bu, Ukrayna Silahlı Qüvvələrinin hərbi qulluqçuları və Ukrayna xüsusi təyinatlılarının zabitləri tərəfindən həyata keçirib. Telekanal qeyd edib ki, təqsirləndirilən şəxslərin olduğu avtomobil 170 km/saat sürətlə hərəkət edirmiş. Onlar Bryansk vilayətinin Kommuna kəndi yaxınlığında, Rusiya-Ukrayna sərhədinə 141 km qalarkən saxlanılıblar.

“Birinci Kanal” FSB məlumatlarına əsaslanaraq, “Crocus”da terror aktının hazırlanmasında Ukrayna tərəfinin birbaşa iştirakının olduğu qənaətinə gəlib.

Xatırladaq ki, martın 22-də baş verən terakt zamanı 144 nəfər ölüb, 550-dən çox insan isə yaralanıb. Terror aktı ilə bağlı 11 nəfər həbs edilib.

“AzPolitika.info”