Bütün ermənilərin katolikosu II Qaregin mövqeyini dəyişərsə və Qarabağın Azərbaycan torpağı olduğunu qəbul edərsə, onu dini liderlərin bu ilin sonunda Bakıda keçiriləcək görüşünə dəvət edə bilərik.
"Report" xəbər verir ki, bunu Qafqaz Müsəlmanları İdarəsinin (QMİ) sədri, Şeyxülislam Hacı Allahşükür Paşazadə "Təzəpir" məscidində bayram namazı qılınandan sonra jurnalistlərə açıqlamasında deyib.
O bildirib ki, erməni kilsəsi Qarabağın Azərbaycan torpağı olduğunu qəbul etmək istəmir: "Hazırda erməni kilsəsi iftiralar yayır, revanşizmi təbliğ edir. Ümid edirəm ki, heç kim bu iftiralara uymayacaq. Erməni kilsəsi bu gün xarici havadarlarının sifarişi ilə işləyir. Əgər kilsə mövqeyini dəyişərsə, II Qaregini dini liderlərin Bakıda keçiriləcək görüşünə dəvət edə bilərik".
Şərhlər
Əslində "Karapet" erməni sözü deyil,"Kara" və "bəd" sözlərindəndir."Qurgen" sözü "kürəkən" sözündəndir,farslar "gürkan" ediblər,ermənilər "gurgen"."Eçmiadzin" sözü "Üç müəzzin" sözündəndir."Haykanuş" sözü "Aygünəş" sözündəndir,özbəklərdə bu adda qız çoxdu."Vartan" sözü Makedonların "Vardan" ovalığının adındandır,Makedoniyalı İsgəndərin zamanından qalıb.Eləcə də "Qaregin" deyil söz,"Qaragün" sözündəndi.