Qırğızıstan parlamentinin spikeri Nurlanbek Şakiyev rus və ingilis dillərində cizgi filmlərini qadağan etməyə çağırıb.
Bunu Şakiyev parlamentin iclasında deyib.
“Uşaqların telefonlarında baxdıqları bütün cizgi filmləri rus dilindədir, qırğız dilində cizgi filmləri yoxdur. Rus və ingilis dillərində olan cizgi filmlərini bloklamaq lazım gələcək. Biz dilimizi qorumaq üçün bu gün işə başlamasaq, sabah dilimiz yox olacaq”, - deyə Şakiyev bildirib.
Parlamentin spikeri deputatları qırğız dilində danışmağa çağırıb, çünki sözlərin əksəriyyəti ruslaşıb, ərəbləşib. O qeyd edib ki, insanlar uşaqlarına daha çox ərəb adları qoyurlar və ərəb adlarından istifadə edirlər, baxmayaraq ki, bir çox gözəl qırğız adları var.(interfax.ru)
Şərhlər
Müdaxilə üçün üzr istəyirəm. Amma, hər hansı qadağa ölkənin ümumdünyəvi inkişafına əngəl olur? Operativ tezliklə və hamılıqla tarixi yek Ana-türk dilinə keçid gecikmiş də olsa faydalı anlaşma olardı? İngilis, Rus dilləri mədəni-tarixi-texniki anlaşma, ərəb dili gerçək tarixi, Çin və Hind dilləri. dünyanın hər yerində rast gələ biləcəyimiz xalqlar üçün faydalı hörmət əlaməti kimi də gərəkdir1