Xarici dövlət borcu elə də böyük məbləğdə deyil, daha çox layihələrlə bağlı xarici borcu artırmaq istəyirik.
APA-Economics” xəbər verir ki, bunu Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında “Azərbaycan Respublikasının 2023-cü il dövlət büdcəsinin icrası haqqında” qanun layihəsinin müzakirəsi zamanı maliyyə naziri Samir Şərifov deyib
Nazir deyib ki, daxili borcların həcmi artıb: “Vaxtilə Beynəlxalq Bankın sağlamlaşdırılması istiqamətində “Aqrarkredit” Bank Olmayan Kredit Təşkilatı tərəfindən Beynəlxalq Bankın toksik borcları alınırdı. Bunun üçün dövlət tərəfindən vəsait ayrılmışdı. Həm də bu toksik aktivlərin sağlamlaşdırılması üçün dövlət zəmanəti ilə istiqrazlar verilmişdi. Bu aktivləri balans qiyməti ilə alırdıq, lakin onun satışı real bazar qiymətindən aşağı idi və nəticədə zərər əldə edilirdi. “Aqrarkredit” bir vaxta qədər bunu idarə edirdi. İndi müəyyənləşdi ki, bu qurum bu borcları idarə etmək iqtidarında deyil. Nəticə etibarı ilə bu borcu dövlət borcu kimi qiymətləndirdik. Bu, dövlət borcumuzun artmasına təsir etdi”.
Şərhlər
Aktivləri balans qiymətiylə aldığınız vaxtlarda onların satışının real bazar qiyməıtindən aşağı olduğunu görməmişdinizmi?Nəticədə zərər əldə edildiyini görürdünüzsə demək ki bilirdiniz.Bəs soruşmurdunuzmu ki xeyir ola,niyə belə ucuz satırsınız aktivləri?Aqrarkredit bir vaxta qədər bunu idarə edirdi deyəmi susmuşdunuz?O vaxtdan sonra isə idarə edə bilmədikdə o zərəri dövlətin ayağınamı yazdınız?Bəs o Aqrarkreditdə bu işi fırladanlar necə oldu?Yeyib dağıtdılar,yediklərimizi dövlət baba ödəyər dedilərmi?Yoxsa səhv başa düşdükmü?Bəs dövlətin ayağına yazılan borclar necə silinəcək?Acından gönorta duran vətəndaşlardan yığılan vergilərləmi?