Moldovanın keçmiş Baş Qərargah rəisi Rusiyaya casusluqda ittiham olunur

Moldovanın keçmiş Baş Qərargah rəisi İqor Qorqan Rusiya kəşfiyyatına məlumat ötürdüyü üçün vətənə xəyanətdə ittiham olunur.

“AzPolitika” xəbər verir ki, bu barədə “The Insider” nəşri məlumat yayıb.

Məlumata görə, İqor Qorqan Moldova silahlı qüvvələrinin istifadə etdiyi silahlar və Ukraynanın ölkə ərazisindən keçən təchizat xətləri haqqında məxfi məlumatları rus kəşfiyyat orqanlarına ötürüb.

İddialara cavab verən qərargah rəisi Adrian Balutel Qorqanın dövlətə xəyanət kimi cinayətlərə görə ən ağır şəkildə cəzalandırılacağını və onun hərbi mükafatlarının və fəxri rütbələrinin geri götürüləcəyini deyib.

“AzPolitika.info”