Saxlanılan şəxs Xətai pasport-qeydiyyat şöbəsinin rəisi olub
Xaçmaz rayonunda radikal dinin qruplaşma üzvlərinin saxlanılması istiqamətində əməliyyat keçirilib.
ANS PRESS-in bölgə müxbirinin verdiyi məlumata görə, əməliyyat Xaçmaz rayon polis şöbəsi əməkdaşları tərəfindən təşkil olunub.
Əməliyyat zamanı Nizami Seyidov adlı şəxsin saxlanıldığı bildirilib. Onun keçmiş polis işçisi olduğu vurğulanıb. Bildirilib ki, Nizami Seyidov Bakının Xətai rayonunda pasport-qeydiyyat şöbəsinin rəisi vəzifəsində çalışıb.
Onun Xudat şəhərində vəhabi təriqətinin üzvlərindən olduğu bildirilir. Əməliyyatın keçirilməsini Xaçmaz rayon polis şöbəsinin rəisi Ədalət Abbasov ANS PRESS-in bölgə müxbirinə təsdiqləyib. Lakin keçirilən əməliyyat barədə ətraflı məlumat verilməyib.
Faktla balı araşdırmalar aparılır.
Şərhlər