Ötən gecə Fransanın paytaxtı Parisdə 2024-cü il Paralimpiya Oyunlarının açılış mərasimi keçirilib.

"AzPoltika" xəbər verir ki, 2024-cü il Yay Olimpiya Oyunlarının açılış mərasimində olduğu kimi, yenə də Azərbaycana qarşı təxribat və hörmətsiz münasibət oldu.

Belə ki, mərasimin yayımı zamanı şərhçilər Azərbaycanı ümumiyyətlə tanıtmayıblar və adını çəkməyiblər.

Sözügedən anlara dair videonu təqdim edirik:

Qeyd edək ki, “Paris-2024” Yay Olimpiya Oyunlarının açılış mərasimində də Azərbaycana qarşı təxribat olmuşdu. Belə ki, bu təxribata “Fransa-2” telekanalının aparıcıları yol verib.

Belə ki, aparıcılar canlı yayımda Sena boyunca olimpiya komandalarının paradında Ermənistan idmançılarının keçidi zamanı təxribatyönlü çıxışlar ediblər.

“Əlbəttə ki, ermənilər bizim dostumuzdur və Ermənistan tarixən fransızların ürəyinə yaxın bir ölkədir. Ötən il Ermənistan üçün matəm ili olub və Azərbaycan ordusunun əlinə keçən Qarabağın itirilməsi ilə nəticələnib” - deyə, təxribata yol veriblər.