“Kukla dövlət zahirdən müstəqil kimi göstərsə də, əslində həqiqi suverenlikdən məhrum olan və kənardan idarə olunan siyasi qurumdur”.
“AzPolitika” xəbər verir ki, bu barədə Ermənistanın Dövlət Gəlirləri Komitəsinin keçmiş sədri David Ananyan sosial şəbəkədə yazıb.
“Bu “suverenlik” fenomeni daha çox siyasi hakimiyyətin və liderlərin, eləcə də dövlət institutlarının kənar qüvvələrin göstərişi ilə hərəkətə keçməyə məcbur olduğu kölgə teatrını xatırladır. Siyasi arenada marionet dövlət hakimiyyətdəki kuklalara öz strateji və iqtisadi maraqlarını həyata keçirməyə imkan verən alətdir. O, öz müqəddəratını təyin etmək əvəzinə, əslində hakimiyyətin cilovunu əlində saxlayan iqtidardakıların siyasətinə, qərarlarına boyun əymək məcburiyyətində qalır. Kukla dövlətlərin taleyi demək olar ki, həmişə faciəli olur. Əsl müstəqilliyə nail olmaq ətrafında daxili konsolidasiya olana qədər o, çox nadir hallarda sağ qalma astanasından sabitlik və firavanlığa qayıdır”, - Ananyan qeyd edib.
Xatırladaq ki, ötən il Baş nazir Nikol Paşinyan Ermənistanın Dövlət Gəlirləri Komitəsinin keçmiş sədri David Ananyanı vəzifəsindən azad edib.
“AzPolitika.info”
Şərhlər