“Bu, ağılsızlıqdır!” - “O, üçüncü dünya müharibəsini dayandıra bilməyəcək”

ABŞ Respublikaçılar Partiyasından prezidentliyə namizəd Donald Tramp hesab edir ki, dünya çox təhlükəli vəziyyətə düşüb və onun seçki yarışındakı rəqibi Kamala Harris üçüncü dünya müharibəsini dayandıra bilməyəcək.

“AzPolitika” xarici KİV-ə istinadla xəbər verir ki, Tramp öz sosial şəbəkə səhifəsində Harrisi bacarıqsızlıqda günahlandırıb: “Dünya indi çox təhlükəli bir yerdir. Kamala ən sadə suallara belə cavab verə bilmir. Bu, ağılsızlıqdır! Əgər o, bunu edə bilmirsə, üçüncü dünya müharibəsini bitirmək işində bizi necə təmsil edə bilər? Cavab sadədir: o, bunu edə bilməz”.

Xatırladaq ki, Tramp bundan əvvəl Demokratlar administrasiyasının ABŞ-ni üçüncü dünya müharibəsinə aparacağını dəfələrlə bəyan edib.

“AzPolitika.info”