İsrail ordusu Qəzzada bir gündə azı 51 fələstinlini qətlə yetirib

İşğalçı İsrail ordusunun Qəzza zolağına hücumları nəticəsində son 24 saat ərzində ən azı 51 fələstinli qətlə yetirilib.

Bu barədə Qətərin “Əl-Cəzirə” telekanalı məlumat yayıb.

Qeyd olunub ki, təkcə Qəzza zolağının mərkəzi hissəsində yerləşən Əl-Buric qaçqın düşərgəsinə endirilən aviazərbənin qurbanlarının sayı 10 nəfərə çatıb.

İşğalçılar Şati qaçqın düşərgəsindəki BMT-nin idarə etdiyi Əbu Assi məktəbinə də hücum edib.

Məktəb 40 gündən çox İsrailin mühasirəsində olan Beyt-Lahiya, Beyt-Hanun və Cəbəliyyə bölgələrindən qaçaraq didərgin düşmüş minlərlə fələstinlinin sığınacağına çevrilib.