“XƏBƏRDAR ETMİŞDİK” – Xamenei də Əsədi qınayır

İran kəşfiyyatı Suriyanın keçmiş prezidenti Bəşər Əsəd hökumətinə üç ay ərzində təhdidlər barədə xəbərdarlıq etsə də, buna məhəl qoyulmayıb.

“AzPolitika” xarici KİV-ə istinadla xəbər verir ki, bunu İranın ali lideri Əli Xamenei xalqa müraciəti zamanı deyib: “Bizim kəşfiyyatımız bir neçə ay əvvəl (Əsəd hökumətinin süqutunu nəzərdə tutur-red.) Suriya hakimiyyətinə xəbərdarlıq mesajları göndərmişdi. Bilmirəm, onlar dəqiq yüksək vəzifəli məmurlara çatıb, ya yox. Amma bizim kəşfiyyatçılarımız Şəhrivar, Mehr, Abanda (İran təqviminin üç ayı - bu müddət 23 avqust - 21 noyabra uyğundur) davamlı olaraq mesajların ötürüldüyünü bildiriblər”.

“AzPolitika.info”