“İsraillə uzunmüddətli müharibəyə hazırıq” – Husilərin lideri

İran dəstəkli Husilərin lideri Əbdülməlik əl-Husi Yaxın Şərqdəki hadisələrlə bağlı açıqlamalar verib.

İsrailin Yaxın Şərqdə törətdiyi qətliamlara diqqət çəkən əl-Husi, İsrailin təcavüzünün Husilərin fələstinliləri dəstəkləməklə bağlı münasibətini dəyişməyəcəyini deyib.

İsraillə açıq bir qarşıdurma içində olduqlarını vurğulayan əl-Husi, “İsraillə uzunmüddətli müharibəyə hazırıq”,-deyə bildirib.

“Böyük İsrail layihəsi” çərçivəsində Suriyada yaranan təhlükəsizlik zəifliyindən istifadə edərək Fərat çayına çatmaq planlarına qarşı olduqlarını vurğulayan əl-Husi xəbərdarlıq edib ki, İsrailin məqsədi Qüds, Məkkə və Mədinəyə nəzarət etməkdir.

“AzPolitika.info”