Həyat yoldaşını işləməyə qoymayan kişinin əməkhaqqının bir hissəsinin qadının pensiya fonduna keçirilməsi qanuniləşdirilə bilər.
“Report” xəbər verir ki, bunu Milli Məclisin deputatı Mübariz Qurbanlı “Konstitusiya və suverenlik” ili çərçivəsində keçirilən “Qadın iştirakçılığının təbliği” adlı konfransın “Bərabərikdə dayanıqlılıq-konstitusiyamızın keçdiyi inkişaf yolunun əsas hədəfi kimi” mövzusuna həsr edilmiş panel sessiyasında deyib.
Onun sözlərinə görə, bu yanaşmaya heç kim etiraz etməməlidir: “Elə kişilər var ki, ailə quranda qadına işləməyə icazə vermirlər. Bu kimi hallar təqaüd məsələsinə də təsir göstərə bilər. Belə hallarda kişinin əməkhaqqının bir hissəsi qadının pensiya fonduna keçirilə bilər. Məsələni bu yolla qanuniləşdirmək olar. Buna heç kim etiraz etməməlidir, çünki kişinin özü qadını işləməyə qoymayıb”.
Şərhlər
Əla təklifdir!!!! Bu təklifi bir az da inkişaf etdirərək təklif edirəm ki, işləyən kişilər evdəki inəyi, qoyunları, iti və pişiyi, toyuq cücəni də sosial sığorta etdirməli, onların pensiya fonduna pul keçirmələri lazımdır. Qanunidir, doğrudur, səhvdir fərq eləməz. Təki pul yığılsın.....
Vətəndaşı soymaq üçün ağlagəlməz bəhanələr uydurmaq üçün gecə gündüz ideyalar düşünülməkdədir. Hətta bu təkliflər qanunsuz olduqda belə onu qanuniləşdirmək bir anda mümkün edilir.