İran ABŞ ilə birbaşa danışıqların şərtini açıqlayıb.
“Report” xəbər verir ki, bu barədə ölkənin xarici işlər naziri Abbas Əraqçi jurnalistlərə açıqlamasında deyib.
O bildirib ki, Vaşinqton Tehrana qarşı siyasətini yenidən tənzimləməsə, İran ABŞ ilə birbaşa danışıqlara getməyəcək.
Nazir indiki vəziyyətdə ABŞ ilə birbaşa danışıqları rədd edib: “”Maksimum təzyiq kampaniyası” adlanan və İrana qarşı təkrarlanan təhdidlər Vaşinqtonla danışıqlara getməyi qeyri-mümkün edir. Bu, bizim qəti və aydın siyasətimizdir. ABŞ-nin İrana münasibətində əsaslı dəyişiklik olana qədər birbaşa danışıqlar aparılmayacaq".
“Bizim məqsədimiz milli maraqları və təhlükəsizliyi təmin etməkdir. Güzəştə getməyəcəyik”, - o, əlavə edib.
Nazir, həmçinin ölkəsinin istənilən ssenariyə hazır olduğunu diqqətə çatdırıb: “Əminəm ki, kimsə İrana hücum etmək ağlına belə gəlməyəcək. Çünki onlar bunun nəticələrini bilirlər. Heç bir müharibə olmayacaq. Çünki biz buna hazırıq”.
Şərhlər
İran da özünə, digər-daha kiçik dövlətlərə göstərilən (aşağı yox?) adekvat münasibət gözləyir.
Amerikanın bir siyasəti var İmperialist. Onların demokratiyası Tramp kimiləri yetişdirir, Dünyaya demokratiya bir töhfə verə bilməz bir vəziyyət yaranıb Amerikanın quyruğu qapı arasında qalanda müharibə ritorikası ortaya atır . İslam ölkələrinin başına bəla oldu oldu, iraq Əfqanıstan Suriya və s. Amerika idarə olunmaz bir vəziyyətdə irəliləyir ,
Bu farsar da ele ermeni ağıldadır başını başlara qoşur.