ABŞ-nin Mərkəzi Kəşfiyyat İdarəsinin yüksək rütbəli məmurunun oğlu Rusiya-Ukrayna savaşında həlak olub.
Xarici KİV-də yer alan məlumata görə, MKİ-nin rəqəmsal innovasiyalar üzrə direktor müavini Yulianne Qallina Qlossun oğlu 21 yaşlı Maykl Aleksandr Qloss 2023-cü ildə Rusiya Müdafiə Nazirliyi ilə müqavilə imzaladıqdan sonra ordu sıralarına qatılıb.
Onun Donetskdə gedən döyüşlərdə həlak olduğu bildirilir.
Məlumata görə, Maykl Gloss Rusiya tərəfində döyüşən 1500-dən çox əcnəbidən yalnız biridir. Sənədlərdə ABŞ və Aİ ölkələri də daxil olmaqla 48 ölkədən muzdluların Rusiya Silahlı Qüvvələri ilə müqavilə imzaladıqları üzə çıxıb.
“AzPolitika.info”
Şərhlər