Bu ilin yanvar-may aylarında Azərbaycanın qeyri-neft-qaz sektoru üzrə ixracının dəyəri ötən ilin eyni dövrü ilə müqayisədə 11,6 % artaraq 1,4 milyard ABŞ dolları təşkil edib.
"Report" bu barədə İqtisadi İslahatların Təhlili və Kommunikasiya Mərkəzinə istinadən xəbər verir.
Məlumata görə, o cümlədən son 1 ildə ölkənin yeyinti məhsullarının ixrac dəyəri 14,4 % artaraq 417,7 milyon ABŞ dolları olub.
Bundan başqa, hesabat dövründə kimya sənayesi məhsullarının ixrac dəyəri 46,8 milyon ABŞ dolları və yaxud 45,9 %, şəkərin ixrac dəyəri 3 milyon ABŞ dolları və yaxud 30,1 %, qara metallar və onlardan hazırlanan məmulatların ixrac dəyəri 3,8 milyon ABŞ dolları və yaxud 11,3 %, meyvə-tərəvəzin ixrac dəyəri 48 milyon ABŞ dolları və yaxud 19,1 %, pambıq ipliyin ixrac dəyəri 1,3 milyon ABŞ dolları və yaxud 14,5 % artıb.
İl ərzində aqrar məhsulların ixrac dəyəri 17,2 % artaraq 331,2 milyon ABŞ dolları, aqrar-sənaye məhsullarının ixrac dəyəri 5,9 % artaraq 115,6 milyon ABŞ dolları, bütövlükdə aqrar və aqrar-sənaye məhsullarının birgə ixrac dəyəri isə 14 % artaraq 446,7 milyon ABŞ dolları təşkil edib.
Şərhlər
Nə qədəryalanolar.Hansı iri sənaye sahəsiyaradılıb ki.belə rəqəm ortaya çıxır? Azərbaycanda importdan asılılıq getdikcə artdığı.yeniri sənaye sahələriolmadığı vəyaradılmadığı halda beləartımharadan və necə baş verə bilər? Xırda sahibkarların özəl yarada bildiyi 15-50 işçisi olan kiçk iş yerləri ilə elə irəiləyiş inandırıcı deyil.niyixrac mallarının növü.adı.miqdarı eyd olunmur.Elə bnn göstəilməməsirəqəmlərin yanlış olduuna dəlalət edir.Biəs kimi aldadırıq?