Slovakiyanın müqavimətinə baxmayaraq, Avropa İttifaqı Rusiyaya qarşı 18-ci sanksiyalar paketini gələn həftə qəbul edəcək.
"AzPolitika" xəbər verir ki, bunu Almaniyanın kansleri Fridrix Mers bildirib.
Mers bu bəyanatı Berlində Danimarkanın Baş naziri Mette Frederiksen ilə görüşdən sonra səsləndirib:
“Avropa Komissiyasına 18-ci sanksiyalar paketi ilə bağlı təşəbbüs irəli sürdüyünə görə minnətdaram. Hər şey plana uyğun getsə, bu paket gələn həftə qəbul olunacaq”, – deyə kansler qeyd edib.
Mersin sözlərinə görə, Bratislavanın etirazına baxmayaraq, yeni sanksiyalar paketi ilə bağlı danışıqlar gələn həftə Brüsseldə Aİ ölkələrinin daimi nümayəndələrinin komitəsində başlayacaq. O əlavə edib ki, ehtiyac yaranarsa məsələ Avropa Şurasında yenidən müzakirəyə çıxarıla bilər.
Xatırladaq ki, Aİ-nin növbəti sammiti yaxın günlərdə baş tutacaq.
"AzPolitika.info"
Şərhlər