ABŞ Hərbi Dəniz Qüvvələrinə məxsus F/A-18F Super Hornet qırıcı-bombardmançıları və İtaliyanın beşinci nəsil F-35B Lightning II qırıcıları Qara dəniz akvatoriyası və Rumıniya hava məkanında birgə təlim uçuşları həyata keçiriblər.
Təlimlər NATO-nun Neptune Strike 25-2 hərbi manevrləri çərçivəsində keçirilib və əsas məqsəd yaxın hava dəstəyi (CAS – Close Air Support) üzrə döyüş şəraitinə maksimal yaxın ssenarilərin məşq etdirilməsi olub.
Manevrlərə Neapolda yerləşən NATO-nun Birləşmiş Qüvvələr Komandanlığı (JFC Naples) rəhbərlik edir. Təlimlərdə həmçinin USS Gerald R. Ford (CVN 78) atom aviadaşıyıcısının rəhbərlik etdiyi aviadaşıyıcı zərbə qrupu da iştirak edir. Sözügedən zərbə qrupu hal-hazırda Aralıq dənizində dislokasiya olunub.
Bu təlimlər NATO-nun Qara dəniz regionunda hərbi varlığını gücləndirməyə və potensial təhlükələrə qarşı cavab qabiliyyətini artırmağa yönəlib.
"AzPolitika.info"
Şərhlər