Ukrayna və Belarus birgə telekanal yaratmaq haqda razılığa gəlib. Musavat.com-un “BelTA”ya istinadən verdiyi məlumata görə, bu barədə Kiyevdə iki ölkənin prezidentləri – Pyotr Poroşenko və Aleksandr Lukaşenko razılığa gəliblər.
“Bizdə belə təcrübə artıq var. Bizim kanallarla birgə üç və ya dörd Rusiya kanalı işləyir. Niyə də Ukrayna ilə belə ortaq əməkdaşlıq yaradılmasın”, - deyə Lukaşenko qeyd edib.
Öz növbəsində Poroşenko bildirib ki, artıq informasiya siyasəti nazirinə məsələ ilə bağlı müvafiq tapşırıq verib. “Biz çoxdan deyirik ki, belaruslar müxtəlif nöqteyi-nəzərləri bilmək haqqına malikdir. Və heç də pis olmazdı ki, Ukraynanın informasiya kanallarından birinin Belarus ərazisində yayımlanmaq hüququ olaydı” – deyib Poroşenko.
Şərhlər