Ağdaş Rayon İcra Hakimiyyətinin başçısı Orxan Rüfət oğlu Hüseynzadəyə işində yol verdiyi ciddi nöqsanlara görə şiddətli töhmət elan edilsin.
“AzPolitika” xəbər verir ki, Prezident İlham Əliyev bununla bağlı Sərəncam imzalayıb.
Bu Sərəncam imzalandığı gündən qüvvəyə minir.
Qeyd edək ki, Orxan Hüseynzadə 1983-cü ildə Bakı şəhərində anadan olub. 2004-cü ildə Bakı Dövlət Universitetini, 2013-cü ildə isə Azərbaycan Respublikasının Prezidenti yanında Dövlət İdarəçilik Akademiyasını bitirib.
2006–2012-ci illərdə Azərbaycan Respublikasının Səhiyyə Nazirliyində müxtəlif vəzifələrdə çalışıb.
2012–2018-ci illər ərzində Azərbaycan Respublikasının Standartlaşdırma, Metrologiya və Patent üzrə Dövlət Komitəsi müxtəlif vəzifələrdə işləyib.
2018-ci ildə Azərbaycan Respublikasının Əmək və Əhalinin Sosial Müdafiəsi Nazirliyinin Aparatında çalışıb.
2018-ci ildən 2024-cü ilə qədər Azərbaycan Respublikasının Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətində işləyib.
Azərbaycan Respublikası Prezidentinin 01 noyabr 2024-cü il tarixli Sərəncamı ilə Ağdaş Rayon İcra Hakimiyyətinin başçısı təyin olunmuşdur
Şərhlər
15- İL ŞƏKİ iCRA hAKİMİYYƏTİNƏ BAŞÇIIQ EDƏN ELXAN USUBOVUN FƏALİYYƏTİ DEDMƏK OLARKİ YOXDUR, ANCAQ BƏXTİ GƏTİRİB ÖZÜ ÜÇÜN ÇALIŞIR.....BELƏLƏRİNİN FƏALİYYƏTİ YOXLANILMALIDIR ???
bu cür təcrübəsiz adamlar hansı yol ilə mühüm vəzifələrə otuzdurulurlar ?
Belə kadrlar bir işə yaramazlar.bəs onlara necə karyera yaradlır?...