AYNA-nın yeni tətbiq etdiyi qaydalar taksilərin sayını məhdudlaşdırsa da, indi buraxılış vərəqi almaq prosesi sürücülər üçün ciddi problemə çevrilib. Onlar sənəd əldə etmək üçün saatlarla, bəzən gecənin yarısınadək növbədə gözləməyə məcbur qalırlar.
Yeni qərara əsasən, paytaxtda taksi fəaliyyəti üçün ümumilikdə 25 min icazə limiti müəyyən edilib. Limitin tətbiqinə az vaxt qaldığı üçün sürücülər sənəd almaq məqsədilə günün istənilən saatında növbəyə düzülürlər.
İcazələrin verilməsi müraciət ardıcıllığı və növbəlilik prinsipi əsasında həyata keçirilir. Lakin sürücülər bildirirlər ki, sistemdəki nizamsızlıq və uzun gözləmə saatları prosesi çətinləşdirib:“Gecə-gündüz buradayıq, amma kim gəlir, kim gedir – heç kim bilmir!” – deyə narazı taksi sürücüləri qeyd ediblər.
Onlar aidiyyəti qurumlardan növbə sisteminin şəffaf şəkildə qurulmasını və sənədvermə prosesinin sürətləndirilməsini tələb edirlər.
AYNA-nın tətbiq etdiyi yeni qaydalar taksilərin sayını məhdudlaşdırdı amma indi buraxılış vərəqini almaq əsl sınağa çevrilib. Sürücülər gecənin yarısınadək sənəd almaq üçün soyuqda və yorğun halda gözləməyə məcbur qalırlar. “Gecə-gündüz buradayıq, amma kim gəlir, kim gedir heç kim bilmir!” deyə narazı sürücülər bildirirlər.
Posted by Insanoid on Wednesday, October 22, 2025
Şərhlər
AYNA birbaşa insanları inğidərək dövlətdən narazı salmaqla məşğuldur.Bu adamlar bazar iqtisadiyyatı nədir xəbərləri yoxdur.İşsizliyin baş alıb ğetdiyi vaxtda insanları belə incitmək cinayətdir.