Əgər üçtərəfli görüş Ukrayna üçün müsbət nəticələr verəcəksə və müharibənin bitməsinə kömək edəcəksə, onun harada keçirilməsinin əhəmiyyəti yoxdur - sadəcə, Rusiya və ya Belarusdan başqa.
“AzPolitika” xəbər verir ki, bunu Ukrayna Prezidenti Volodimir Zelenski jurnalistlərlə görüşündə deyib.
Xüsusilə, Vladimir Putinlə mümkün danışıqlar barədə şərh verən dövlət başçısı, əgər bu, həqiqətən də sülhü yaxınlaşdırarsa, Macarıstanda görüşməyə etiraz etməyəcəyini bildirib: "Cənab Uitkoffla Parisdə danışanda dedim ki, məsələ Macarıstanda deyil, Macarıstan liderindədir - o, hələ də Ukraynanı bloklayır. Nəticə olarsa, danışıqlar istənilən yerdə baş tutsun. Əgər bu, üçtərəfli görüşün şərtidirsə, yəni Ukrayna üçün, ilk növbədə, müharibəni bitirməklə müsbət nəticə əldə edəcəyiksə, qoy Viktor Orban öz faydasını qazansın".
Zelenski vurğulayıb ki, məqsəd müharibəni bitirməkdir: "Əgər üçtərəfli görüş müharibəni bitirməklə bağlıdırsa, onda biz hər yerə hazırıq. Bunun demək olar ki, heç bir əhəmiyyəti yoxdur - əlbəttə ki, Rusiya və Belarusdan başqa".
“AzPolitika.info”
Şərhlər
Zelenski, hələ də anlamır ki, onun teklif etmek limiti tükənib yox, bitibdir. Sadəcə çabalayır. Amma olan da yenə Ukraynaya olur. Müharibə dayansa. hər kəsin olduğu yerdə dayanacaq. Sanməram qarşı tərəf 4 ildə idtirdiyi miyardları və 100 milərlə canlı qüvəni göz ardı edib nəyi isə qaytarsın