Tanınmış sovet və rusiyalı televiziya aparıcısı Yuri Nikolayev 76 yaşında vəfat edib. Yerli teleqram kanallarının məlumatına görə, 4 noyabr səhəri evində halı pisləşdikdən sonra ona təcili tibbi yardım çağırılıb. O, xəstəxanaya çatdırılsa da, həkimlərin səylərinə baxmayaraq, həyatını itirib.
Məlumata görə, Nikolayev ağciyərlərin ağır xəstəliyindən əziyyət çəkirmiş.
Yuri Nikolayev Sovet və Rusiya televiziyasının ən məşhur simalarından biri sayılırdı. 1975–1991-ci illərdə “Səhər poçtu” proqramının aparıcısı kimi böyük populyarlıq qazanmışdı.
2017–2021-ci illərdə Nikolayev “Birinci kanal”da “Dürüst söz” adlı səhər proqramını aparıb. O, Rusiya Jurnalistlər İttifaqının üzvü və YUNESKO-nun Himayədarlıq Şurasının üzvü idi.
Yuri Nikolayev Rusiya Federasiyasının Xalq Artisti fəxri adına layiq görülüb, bir neçə filmdə rol alıb və Rusiya prezidenti tərəfindən təltif olunub. O, “Dostluq” və “Şərəf” ordenləri ilə mükafatlandırılmışdı.
“AzPolitika.info”
Şərhlər