ABŞ Prezidenti Donald Tramp korrupsiya ittihamları ilə məhkəmədə mühakimə olunan İsrailin Baş naziri Benyamin Netanyahunun əfv edilməsi üçün İsrail Prezidenti İsaq Hersoqa məktub göndərib.
Tramp məktubunda Hersoqa açıq şəkildə müraciət edərək Netanyahunu tamamilə əfv etməsini xahiş edib.
Tramp yazıb ki, İsrail və yəhudi xalqı son illərdə çox çətin dövrlərdən keçib və Netanyahu bu dövrdə həm müharibə, həm də sülh zamanı güclü lider kimi ölkəni ayaqda saxlayıb:“İndi İsrail sülh dövrünə qədəm qoyur. Baş nazir Netanyahu güclü düşmənlərə və uzunmüddətli çətinliklərə baxmayaraq İsraili dimdik ayaqda saxladı. Onun diqqəti artıq lazımsız şəkildə yayındırılmamalıdır".
Tramp həmçinin bildirib ki, Netanyahunun məhkəməsi siyasi motivli və ədalətsiz təqibdir:“Mən İsrail ədliyyə sisteminə hörmətlə yanaşıram, lakin uzun müddətdir hesab edirəm ki, Bibiyə qarşı bu iş siyasi xarakter daşıyır. O, İran kimi çətin düşmənlərlə mübarizə apararkən bu cür təqiblərlə üzləşməməlidir”.
Tramp məktubunda əlavə edib ki, onun və Hersoqun münasibətləri güclüdür və bu əlaqə sayəsində İsraildə birliyin qorunması mümkündür.
Hersoqun isə cavabında Trampa hörmət etdiyini, amma məhkəmə prosesinin davam etdiyini bildirib.
"AzPolitika.info"
Şərhlər