Dünən Erməni Apostol Kilsəsinin mənəvi mərkəzi sayılan Vağarşapat icmasında yerli şura seçkiləri keçirilib.
“AzPolitika” xəbər verir ki, Ermənistan Mərkəzi Seçki Komissiyası bütün 47 seçki məntəqəsi üzrə səsvermənin nəticələrini açıqlayıb. Nəticələrə görə, Nikol Paşinyanın “Vətəndaş müqaviləsi” partiyası əzici üstünlüklə seçkini qazanıb və onun nümayəndəsi Argişti Mekhakyan qalib olub.
Nəticələrə görə,
Qələbə koalisiyası — 9789
Pan-Ermənistan Cəbhəsi Partiyası — 287
Respublika Partiyası — 1211
Ana Ermənistan Milli Demokrat Partiyası — 1674
Azad Demokratlar Partiyası — 1152
İrs Partiyası — 433
Vətəndaş Müqaviləsi Partiyası — 14948
Vətən Partiyası — 1157 səs qazanıb.
Beləliklə, Paşinyanın partiyası “Daşnaksutyun” və digər partiyaların birləşdiyi “Qələbə” koalisiyasını böyük üstünlüklə məğlub edib. Müşahidəçilər bu seçkini gələn il keçiriləcək parlament seçkisi öncəsi olduqca önəmli repetisiya hesab edirdilər. Bu baxımdan hakim partiyanın qələbəsi Paşinyan hökuməti üçün çox önəmli uğur hesab edilir.
“AzPolitika.info”
Şərhlər