Azərbaycanda icbari və könüllü tibbi sığortanı birləşdirəcək model hazırlanır.
"Report" xəbər verir ki, bunu Azərbaycan Mərkəzi Bankının (AMB) Maliyyə Sektorunun Davamlı İnkişafı Departamentinin direktoru Rüstəm Tahirov Azərbaycanda Amerika Ticarət Palatasının ("AmCham") təşkilatçılığı ilə Bakıda keçirilən "Bank və sığorta sektorlarının inteqrasiyası" mövzusunda tədbirdə bildirib.
"Bu model bir sıra ölkələrdə mövcuddur. Hazırda biz onun tətbiqi üzərində çalışırıq. Məqsədimiz digər ölkələrin uğurlu təcrübəsinə uyğun olaraq icbari tibbi sığortanın imkanlarından istifadə etməklə sığorta şirkətlərinin risklərini azaltmaq, tibbi sığortaya əlçatanlığı artırmaqdır. Eyni zamanda tibbi sığorta haqqının daha əlçatan olması istiqamətində layihəmiz var. Düşünürük ki, bu layihə ilə də müəyyən nəticələrə gələ biləcəyik", - deyə o qeyd edib.
Şərhlər
Mütləq bu birləşdirmə məsələsində xalıqın əleyhinə nə isə bir hiylə var. Mən belə düşünürəm ki, pul qırmağın yeni metodunu tapıblar. Təcili həmin metodu tətbiq edib digər təklifləri tezbazar sıradan çıxarmaq istəyirlər. Yoxsa dünyada elə gözəl bütün vətəndaşları əhatə edən tibbi-sığorta modelləri var ki. Bunlara sətf etmir axı. O modellər maksimum dərəcədə şəffafdır və internet üzərindəndir. Bunlara qaranlıq və bulanlıq model lazımdır. Nəfsiniz öz ailələrinizin başında çatlasın.