Nəqliyyat Nazirliyindən ANS PRESS-ə verilən məlumata görə, Bakı-Tbilisi-Qars yeni dəmir yolu layihəsi çərçivəsində Gürcüstan ərazisində inşası davam edən Axalkalaki-Kartsaxi (Türkiyə sərhədi) sahəsində dekabrın 26-da sınaq kimi ilk qatar hərəkətə buraxılıb.
Tədbirdə “Marabda-Kartsaxi Dəmir Yolu” MMC-nin rəhbərliyi, tikintini aparan “Azəryolservis” ASC-nin, həmçinin digər şirkət və təşkilatların nümayəndələri iştirak ediblər.
Sınaq uğurla keçirilib və qatar sərhəd stansiyasına çatıb. Artıq bu sahədə yol istismara hazır vəziyyətdədir.
Layihə 2015-ci ilin sonunda başa çatdırılmalıdır.
Şərhlər