Ukraynanın patrul polisi departamentinin rəhbəri, polis generalı Yevgeni Jukov Kiyevdə baş verən silahlı insidentdən sonra vəzifəsindən istefa verib, lakin daha sonra yeni vəzifəyə təyin olunub.

Məlumata görə, o, Ukrayna Milli Polis rəhbərinin – İvan Vıhovski – müşaviri təyin edilib. Bu barədə Ukrayna Daxili İşlər naziri İqor Klimenko jurnalistlərə açıqlamasında bildirib.

Jukovun istefası 18 apreldə Kiyevdə baş verən silahlı insidentlə əlaqələndirilir. Hadisə yerinə gələn patrul polis əməkdaşlarının atəş səslərindən sonra geri çəkildiyi bildirilir.Nazirin sözlərinə görə, bu hadisə polis sistemində ciddi müzakirələrə səbəb olub və Jukovun qərarı şəxsi məsuliyyət hissindən irəli gəlib.

“Belə bir vəziyyətdə vəzifədə qalmaq çətindir, çünki iki polis əməkdaşının buraxdığı səhv bütün hüquq-mühafizə sisteminin etibarına təsir edir”, – deyə İqor Klimenko bildirib.

Buna baxmayaraq, Ukrayna Daxili İşlər Nazirliyi Jukovun komandanı tərk etməsini istəmədiyini və onun yeni təyinatla sistemdə qalmasının vacib olduğunu vurğulayıb.Yeni vəzifədə o, müharibə şəraitində polis fəaliyyətinin koordinasiyası və təhlükəsizlik məsələləri üzrə müşavir kimi fəaliyyət göstərəcək.

“AzPolitika.info”