Bakının Nəsimi rayonunda yeni parkın salınması ilə bağlı hazırlıqlara başlanılıb.

Bu barədə Bakı Şəhər İcra Hakimiyyətindən (BŞİH) məlumat verilib.

Məlumata görə, yeni park 28 May küçəsindən “The Ritz-Carlton Baku” hotelinə qədər olan 12 ha ərazidə salınacaq.

Parkın salınmasına 49 milyon 440 min manat vəsaitin sərf olunacağı proqnozlaşdırılıb.

Xatırladaq ki, hələ ötən il BŞİH-in “Bakı Şəhər Əsaslı Tikinti və Təmir” Məhdud Məsuliyyətli Cəmiyyəti parkın salınması ilə bağlı layihə-smeta sənədlərinin hazırlanması işlərini “Az.Arxitektura” şirkətinə həvalə edib və onunla 2,4 milyon manatlıq müqavilə bağlayıb.