Bu gün Azərbaycan İslam Partiyasının lideri Mövsüm Səmədovun atası Mərdan Səmədov uzun sürən xəstəlikdən sonra dünyasını dəyişib. Bu barədə məlumatı İslamazeri.az saytı yayıb.
Dəfn mərasimi sabah saat 14:00-da Qubada olacaq.
Qeyd edək ki, Mövsüm Səmədov 2011-ci il yanvar ayının 2-də partiyanın baş məclisində Azərbaycan hakimiyyətinin ünvanına tənqidi çıxışdan 5 gün sonra yanvar 7-də həbs edilib. Həmin dövrdə AİP lideri haqqında yanvarın 20-də həbs qətimkan tədbiri seçilib. Oktyabrın 7-də Bakı Ağır Cinayətlər Məhkəməsinin çıxardığı hökmlə Azərbaycan İslam Partiyasının həbsdə olan lideri Mövsüm Səmədov 12 il azadlıqdan məhrum edilib.
Şərhlər