Qlobal iqtisadiyyatın artım tempinin 2026-cı ildə 3,0 faiz, 2027-ci ildə isə 3,4 faiz təşkil edəcəyi proqnozlaşdırılır.

 "AzPolitika” xəbər verir ki, bu barədə Beynəlxalq Valyuta Fondunun (BVF) son hesabatında qeyd olunub. Qeyd olunur ki, bu göstəricilər cari ilin aprel ayında dərc olunmuş “Dünya iqtisadiyyatının perspektivləri” hesabatındakı proqnozlarla müqayisədə demək olar ki, dəyişməz qalıb. Bununla belə, qlobal miqyasda iqtisadi artım tendensiyası qeyri-bərabər xarakter daşıyır.Hesabata əsasən, hazırda dünya iqtisadiyyatında bir-birinə zidd proseslər müşahidə olunur. Belə ki, davam edən hərbi münaqişələrin yaratdığı şok enerji daşıyıcılarını idxal edən və həssas iqtisadiyyata malik olan ölkələrin göstəricilərinə ciddi mənfi təsir göstərir. Bunun əksinə olaraq, süni intellekt (Sİ) texnologiyalarına olan kəskin tələbat qlobal texnoloji dəyər zəncirinə inteqrasiya olunmuş ölkələrin iqtisadiyyatını stimullaşdırır və irəli aparır.BVF-nin sənədində diqqət çəkən əsas məqamlardan biri də qlobal dezinflyasiya (qiymət artımının zəifləməsi) prosesinin dayanmasıdır. Aprel ayı ilə müqayisədə ümumi risklər daha balanslı görünsə də, vəziyyətin pisləşməsinə yönəlmiş təhdidlər hələ də qalmaqdadır. Mövcud münaqişələrin yenidən alovlanması və maliyyə bazarlarında qiymətlərin yenidən formalaşması əsas risk faktorları kimi göstərilir.Fondun ekspertləri qeyd edirlər ki, yaranmış şəraitdə iqtisadi siyasət formalaşdıran qurumlar qiymət sabitliyini qorumalı, büdcə imkanlarını bərpa etməli və iqtisadiyyatın xarici təsirlərə qarşı adaptasiya qabiliyyətini artırmalıdırlar.Rasim Əliyev"AzPolitika.info"