İslam İnqilabı Keşikçiləri Korpusundan (SEPAH) bildirilib ki, ABŞ-nin Küveytdəki "Əli əs-Salim" bazası və Bubiyan adasındakı (Fars körfəzi) taktiki radar kompleksləri məhv edilib.
"Report" xəbər verir ki, bu barədə "Fars" agentliyi məlumat yayıb.
"İslam İnqilabı Keşikçiləri Korpusunun döyüşçüləri "Nəsr-2" əməliyyatının ikinci mərhələsi çərçivəsində bölgəni düşmən radarlarından təmizləməyə davam edirlər", - məlumatda bildirilib.
Qeyd olunub ki, bu çərçivədə "Əli əs-Salim" bazası yaxınlığında yerləşən bir erkən xəbərdarlıq kompleksi sıradan çıxarılıb: "Eləcə də Küveytin Bubiyan adasındakı digər bir radar sistemi məhv edilib".
Sonda vurğulanıb ki, ABŞ ordusunun İrana hücumları cavabsız qalmayacaq.
Xatırladaq ki, İran ordusu ABŞ-nin İsraildəki yanacaqdolduran təyyarələrinin də hədəf alınacağını istisna etməyib.
Şərhlər