Hörmüz boğazında kommersiya gəmiçiliyinin həcmi ABŞ və İran arasında qarşıdurma başlamazdan əvvəlki göstəricilərlə müqayisədə təxminən 90 faiz aşağı olaraq qalır.
“AzPolitika” xəbər verir ki, bu barədə Böyük Britaniyanın Dəniz Ticarət Gəmiçiliyi İdarəsinin (UKMTO) hesabatında bildirilib.
Qeyd olunur ki, iyunun 24-26-da qeydə alınan artımdan sonra boğazdan gəmi keçidi nisbətən sabitləşib. Hazırda keçidlərin əsas hissəsini tanker gəmiləri təşkil edir.
UKMTO-nun məlumatına görə, Oman sahili boyunca cənub istiqamətindəki marşrut bölgədə ən yüksək təhlükə səviyyəsinin olduğu dəhliz olaraq qalır. Qeydə alınan 35 silahlı insidentdən 22-si məhz həmin ərazidə baş verib.
Hesabatda həmçinin bildirilir ki, son bir həftə ərzində ABŞ Silahlı Qüvvələri İranla əlaqəli kommersiya gəmilərinin Hörmüz boğazından keçidinə qarşı fəaliyyətlərini gücləndirib.
ABŞ Silahlı Qüvvələrinin Mərkəzi Komandanlığı (CENTCOM) isə Fars və Oman körfəzlərində gəmilərin istismardan çıxarılması ilə bağlı bir sıra əməliyyatlar həyata keçirdiyini açıqlayıb.
Şərhlər