Rusiya regionda əməkdaşlıq platforması olan "3+3" (Azərbaycan, Ermənistan, Gürcüstan + Rusiya, İran, Türkiyə) formatında növbəti görüşün yaxın vaxtlarda baş tutacağına ümid edir.
“AzPolitika” Rusiya KİV-ə istinadən yayadığı məlumata görə, bunu Rusiya xarici işlər naziri Sergey Lavrov IV Minsk Avrasiya Təhlükəsizliyi Beynəlxalq Konfransının yüksək səviyyəli plenar iclasında çıxışı zamanı bildirib.
Lavrov qeyd edib: "Bu platformanın iştirakçısı olan ölkələr birləşdirici gündəliyi irəli aparmaq barədə razılığa gəliblər. Ümid edirik ki, yaxın vaxtlarda bu formatda növbəti görüş baş tutacaq".
Xatırladaq ki, daha əvvəl Rusiya XİN başçısı "3+3" formatında növbəti xarici işlər nazirləri görüşünün əvvəlcə Azərbaycanda, daha sonra isə Ermənistanda keçirilməsinin məqsədəmüvafiq olduğunu bəyan etmişdi. Qeyd olunan regional platforma Cənubi Qafqazda sabitliyin, nəqliyyat-kommunikasiya xətlərinin açılması və iqtisadi əməkdaşlığın genişləndirilməsi baxımından mühüm müzakirə mexanizmi kimi çıxış edir.
“AzPolitika.info”
Şərhlər