AZƏRBAYCANA 100 MİLYONLAR GƏTİRƏN ƏRAZİLƏR... - Və ya əcnəbilər ən çox hansı bölgələri seçib? + SİYAHI

2025-ci ildə Azərbaycana dünyanın 189 ölkəsindən 2 milyon 570,2 min əcnəbi və vətəndaşlığı olmayan şəxs gəlib. Həmin ildə Azərbaycanda hotel və hotel tipli obyektlərdə ümumilikdə 4 milyon 569,5 min gecələmə qeydə alınıb ki, onun da 2 milyon 614,3 min nəfəri xarici vətəndaşlar və vətəndaşlığı olmayan şəxslər olub.

Maraqlıdır ki, Azərbaycana gələnlərin sayında Rusiya və Türkiyə lider olduğu halda, hotel gecələmələrində birinci yerdə Hindistan vətəndaşlarıdır. 2025-ci ildə bütün hotel gecələmələrinin 13,6 faizi Hindistan vətəndaşlarının payına düşüb. Rusiya vətəndaşlarının payı 10,1 faiz, Türkiyə vətəndaşlarının payı 9,3 faiz olub. Daha sonra Səudiyyə Ərəbistanı – 8,3 faiz, İsrail – 5,6 faiz, Birləşmiş Ərəb Əmirlikləri – 5,1 faiz, Pakistan – 3,9 faiz və Çin – 3,4 faiz gəlir.

Digər tərəfdən, hotel gecələmələrinin 81,1 faizi Bakıda qeydə alınıb. Qusarın payı 6,1 faiz, Naftalanın 4,4 faiz, Qəbələnin 3,2 faiz, Qubanın 2,4 faiz olub. Başqa sözlə, deyə bilərik ki, xarici turistlərin böyük əksəriyyəti üçün Azərbaycan turizmi faktiki olaraq Bakı mərkəzli olub.

Həmin il Bakıda 2 milyon 692 720 hotel gecələməsi qeydə alınıb. Şəhərdə 29 162 çarpayı yeri olub və xarici qonaqların payı 78,7 faiz təşkil edib. Qusarda isə gecələmələrin sayı 257 242 olub. Qəbələdə isə 168 350 gecələmə qeydə alınıb. Xarici qonaqların payı 49,3 faiz, istifadə səviyyəsi 15 faizdir. Şuşada 2025-ci ildə 50 661 hotel gecələməsi qeydə alınıb. Şəhər 1000 nəfərə düşən gecələmə göstəricisində 2 010 ilə üçüncü yerdə olsa da, hotel tutumundan istifadə səviyyəsi cəmi 7 faizdir. Xarici qonaqların payı da 7 faiz olub.

2025-ci ildə Azərbaycandakı hotel və hotel tipli obyektlərin gəlirləri 653 milyon manat olub. Lakin bu, əvvəlki illə müqayisədə 5,9 faiz azdır. Gəlirlərin 61,8 faizi otaqların təqdim olunması, 27,2 faizi ictimai iaşə, 2,9 faizi müalicə və sağlamlıq xidmətləri, 8,1 faizi isə digər xidmətlərdən formalaşıb.

Ötən il mehmanxana gəlirlərinin ən yüksək olduğu 10 bölgə bunlardır:

- Abşeron – 639 milyon manat;

- Bakı – 399 milyon manat;

- Qəbələ – 38,9 milyon manat;

- Quba – 29,8 milyon manat;

- Lənkəran – 15 milyon manat;

- Şabran – 10,5 milyon manat;

- Şamaxı – 10,5 milyon manat;

- Şuşa – 9,8 milyon manat;

- İsmayıllı – 4,6 milyon manat;

- Göygöl – 1,5 milyonmanat.

Maraqlı məqamlardan biri də odur ki, 2025-ci il üzrə rayonların turizm göstəricilərində 1000 nəfər əhaliyə düşən hotel gecələmələrinin sayına görə Naftalan birinci yerdədir. Naftalanda bu göstərici 27 139 gecələmə/1000 sakin olub. İkinci yerdə Qusar – 2 502, üçüncü yerdə Şuşa – 2 010, dördüncü yerdə Şabran – 1 746, beşinci yerdə Qəbələ – 1 536 qərarlaşıb.

Bununla yanaşı, ölkənin bir sıra rayonlarında hotel gecələmələrinin sayı olduqca aşağıdır. Məsələn, Oğuzda 898, Daşkəsəndə 447, Zərdabda 420, Neftçalada 399 gecələmə qeydə alınıb. Bir sıra rayonlarda isə ümumiyyətlə məlumat və ya hotel gecələməsi qeydə alınmayıb.

Azərbaycan bölgələrinin ötən il üçün turizm reytinqi belə olub:

	Ümumi gecələmə	Xarici payı	Xarici turist gecələməsi
1	Bakı şəhəri	2 692 720	78,7%	2 119 171
2	Qusar rayonu	257 242	61,7%	158 718
3	Naftalan şəhəri	233 397	49,2%	114 831
4	Qəbələ rayonu	168 350	49,3%	82 997
5	Quba rayonu	146 318	42,2%	61 746
6	Şamaxı rayonu	66 588	26,9%	17 912
7	Qax rayonu	48 672	26,5%	12 898
8	Gəncə şəhəri	53 653	19,0%	10 194
9	Lənkəran rayonu	135 666	6,4%	8 683
10	Şəki rayonu	25 690	16,6%	4 265
11	Şabran rayonu	102 670	4,0%	4 107
12	Şuşa rayonu	50 661	7,0%	3 546
13	Abşeron rayonu	7 438	44,4%	3 302
14	Naxçıvan MR	43 035	4,1%	1 764
15	Biləsuvar rayonu	7 056	21,0%	1 482
16	Xaçmaz rayonu	229 433	0,6%	1 377
17	İsmayıllı rayonu	19 718	6,4%	1 262
18	Salyan rayonu	6 263	15,4%	965
19	Masallı rayonu	49 549	1,8%	892
20	Sumqayıt şəhəri	8 732	9,3%	812
21	Zaqatala rayonu	18 318	3,1%	568
22	Ağcabədi rayonu	3 709	14,3%	530
23	Mingəçevir şəhəri	15 891	2,9%	461
24	Astara rayonu	16 937	1,5%	254
25	Kürdəmir rayonu	8 933	2,1%	188
26	Göyçay rayonu	6 026	2,3%	139
27	Balakən rayonu	1 652	6,8%	112
28	Neftçala rayonu	399	23,1%	92
29	Beyləqan rayonu	6 088	1,5%	91
30	Göygöl rayonu	13 748	0,5%	69
31	Şəmkir rayonu	2 918	1,7%	50
32	Yardımlı rayonu	749	4,4%	33
33	Cəlilabad rayonu	2 652	0,9%	24
34	Ağstafa rayonu	9 307	0,2%	19
35	İmişli rayonu	1 915	0,8%	15
36	Saatlı rayonu	917	1,3%	12
37	Ağdaş rayonu	1 106	1,1%	12
38	Bərdə rayonu	8 257	0,1%	8