Ukraynalıların 61 faizi təhlükəsizlik zəmanətləri müqabilində bütün Donbasın Rusiyaya təhvil verilməsini qəti şəkildə qəbuledilməz hesab edir.
“AzPolitika” xəbər verir ki, Kiyev Beynəlxalq Sosiologiya İnstitutu (KIIS) tərəfindən keçirilən və Ukrayna mediasında dərc edilən sorğunun nəticələri bunu göstərir.
Eyni zamanda, ukraynalıların 35%-i belə bir güzəştə getməyə hazırdır. Digər 4% isə cavab verməkdə çətinlik çəkib.
Qeyd olunur ki, Trampla Putin arasında "dizel müqaviləsi"nin elan edilməsindən sonra ukraynalıların bu məsələyə münasibəti daha da sərtləşib. Belə ki, “dizel anlaşması”ndan əvvəlki sorğuda iştirak edən respondentlərin 57%-i qəti şəkildə Donbasın güzəştə gedilməsinin əleyhinə çıxmışdı. 10-16 oktyabr tarixlərində keçirilən yeni sorğuda isə bu göstərici 62%-ə yüksəlib. Bu onu göstərir ki, “dizel anlaşması” ukraynalıları radikallaşdırıb.
Sorğu həmçinin göstərib ki, Kiyevə qarşı ballistik raketlər və reaktiv dronlarla amansız bombardman kampaniyasına baxmayaraq, Kiyev sakinlərinin əksəriyyəti (66%) belə bir təklifə qəti şəkildə qarşıdır.
Bundan əlavə, ukraynalıların yalnız 10%-i müharibənin bu ilin sonuna qədər bitəcəyini gözləyir. Digər 13%-i müharibənin ən tezi 2027-ci ilin birinci yarısında bitəcəyini düşünür. Respondentlərin 56%-i isə müharibənin ya 2027-ci ilin ikinci yarısında, ya da daha sonra bitəcəyini gözləyir. 21% bu məsələdə qərarsızdır.
Beləliklə, bu sorğuya görə ukraynalıların yarıdan çoxu müharibənin uzun müddət davam etməsinə hazırdır.
“AzPolitika.info”
Şərhlər