Luqansk separatçıları Cənubi Osetiyanın müstəqilliyini tanıyıblar

Qondarma Luqansk Xalq Respublikasının “Xalq Soveti” Cənubi Osetiyanı müstəqil dövlət kimi tanıyıb.

APA-nın məlumatına görə, Luqansk separatçıları Sxinvali rejimi ilə diplomatik münasibətlərin qurulması barədə qərar qəbul ediblər.

“Xalq Soveti” aparatının rəhbəri Liya Kovalenko bu qərarı “cavab addım” adlandırıb.

Xatırladaq ki, 2014-cü ilin yayında Cənubi Osetiyanın lideri Leonid Tibilov Donetsk və Luqanskda yaradılmış separatçı rejimlərlə diplomatik münasibətlərin qurulmasına dair fərman imzalayıb.