Şirkət prezidentinin qızı həbs edilib. ANS PRESS-in məlumatına görə, "Korean Air" aviaşirkətinin prezidentinin qızı, şirkətin keçmiş vitse-prezidenti Ço Xen 1 il müddətinə həbsə məhkum edilib. 40 yaşlı qadın uçuşların təhlükəsizliyi haqqında qanunu pozub. Belə ki, qadın təyyarə reysini gözlətməkdə günahlandırılırdı. O həmçinin təyyarə kapitanına öz vəzifələrini yerinə yetirməyə mane olmaqda da günahlandırılıb.
Prokuror qadının 3 il müddətinə həbs edilməsini tələb etsə də, məhkəmə onu bir illik həbs cəzasna məhkum edib.
Qeyd edək ki, hadisə keçən il dekabrın 5-də olub. Xen duzlu fındıq istəyib və stüardessa fındıqları boşqabda deyil, paketdə gətirib. Bundan qəzəblənən Ço Xen ekipajdan stüardessanı qovmağı tələb edib. Nəticədə Nyu-York reysi 20 dəqiqə ləngiyib. Daha sonra Xen öz davranışına görə üzr istəyib.
Şərhlər