Ədalət Partiyasının sədr müavini Mütəllim Rəhimli Milli Şuranın sədri Cəmil Həsənlinin qızı Günel Həsənlinin 1 il 6 ay müddətinə məntəqə tipli cəzaçəkmə müəssisəsində cəzaya məhkum edilməsi barədə məsələyə münasibət bildirib. O, "AzPolitika.info"ya deyib ki, iqtidarla müxalifət arasında dialoqun başladığı və cəmiyyətdə gərginliyin sivil yollaaradan qaldırılmağa çalışıldığı indiki vaxtda Cəmil Həsənlinin qızının məhkum edilməsi yaranmaqda olan kövrək anlaşmaya ciddi zərbədir:
"Bəzi məmurlar iqtidarın yüksək vəzifəli şəxslərinə yarınmaq üçün müxalifətə qarşı aqressiv və qeyri-qanuni münasibət sərgiləyir. Bununla da onlar hakimiyyətə yarınmaq siyasətini aparırlar.
Amma başadüşmürlər ki, belə hərəkətləriilə həm Azərbaycan dövlətinə zərbə vururlar. Belə qanunsuz qərarların “cavabını” isə onlar yox, dövlət başçısı verir. Görünür kimlərsə bu yolla Prezidenti nüfuz dansalmağa, daxili və beynəlxalq ictimai fikri onun əleyhinə yönəltməyə çalışır. Belə ki, KİV-də yayılan informasiyalardan da görünür ki, Günel Həsənli günahı olmadan, sifariş əsasında məhkum olunub. Azərbaycanlı bir xanımın üzərində belə oyunların oynanılması mənəvi-əxlaqi baxımdan da yolverilməzdir. Bütün bunları nəzərə alaraq, ümid edirəm ki, Günel Həsənliyə qarşı yol verilmiş ədalətsizlik tezliklə aradan qaldırılacaq".
Şərhlər