İstanbulda Ədliyyə binasında girov götürülən prokuror adığı güllə yaralarından dünyasını dəyişib. "AzPolitika.info"nun məlumatına görə, terorçular “Gəzi Parkı” hadisələrini araşdıran prokuror Mehmet Səlim Kirazın başından və sinəsindən vurublar. O baş nahiyəsindən 3, bədən nahiyəsindən isə 2 güllə yarası almışdı. Xəstəxanada əməliyyat edilən prokurorun həyatını xilas etmək mümkün olmayıb. Türkiyə mətbuatı Səlim Kırazı şəhid kimi təqdim edib.
Qeyd edək ki, İnqilabçı Xalq Qurtuluş Partiyası-Cəbhəsi (DHKP-C) adlandırılan terror təşkilatının üzvləri prokuroru iş otağında girov götürmüşdü.
Girov götürülmüş prokuror Səlim Kiraz ötən il martın 11-də Türkiyədə kütləvi etiraz aksiyaları zamanı qətlə yetirilmiş Berkin Əlvanın ölümü ilə bağlı işi aparıb.
Qeyd edək ki, terrorçuları zərərsizləşdirən polisin xüsusi təyinatlılarının əməliyyatı zamanı 2 terrorçu öldürülüb.
Şərhlər