Ebru Gündeşə aldığı təyyarə müsadirə olundu
Türkiyədəki antikorrupsiya əməliyyatının mərkəzi fiquru Rza Zərrabın əmlakı müsadirə olunub. Müsadirə olunan əmlaklardan biri də onun 2012-ci ilin yayında həat yoldaşı Ebru Gündeşə hədiyyə olaraq aldığı Challenger 300 tipi özəl təyyarədir. 2009-cu il istehsalı olan təyyarə 12-16 milyon dollar dəyərində qiymətləndirilir.
Rza Zərrabın müsadirə olunan əmlkalarından biri də ingilis cinsindən olan sevimli yarış atı – “El Ganador”dur.
Zərrabın aldığı başqa bir yarış atı - “Duty Free” isə həyat yoldaşı Ebru Gündeşin adına olduğu üçün müsadirə edilməyib. Təxminən 500 min dollara alınan bu at yarışlardan Zərrab ailəsinə indiyədək 1 milyon dollara yaxın pul qazandırıb.
Türkiyə mediası xəbər verir ki, Rza Zərrabın Türkiyə vətəndaşı olduqdan sonra aldığı bütün daşınan və daşınmaz əmlakına həbs qoyulub.
Türkiyədə Əbru Gündəşin həyat yoldaşı kimi tanınan Reza Zerrab həbs olunduqdan sonra onunla bağlı mətbuatda bir çox məlumatlar yer aldı. Bu məlumatlar arasında ən çox diqqət çəkən isə qısa zaman ərzində həyat yoldaşına aldığı bahalı hədiyyələrdir.
Virtualaz.org Türkiyədə korrupsiya və rüşvət əməliyyatında saxlanılan iş adamı Reza Zerrabın Əbru Gündəşə aldığı bahalı hədiyyələrin bir hissəsinin siyahısını təqdim edir:
1. Türkiyədə, Kanlıcada 26 milyon lirəlik əkiz villa, yollara tökülən kamaz dolu güllər
2. Sapphiredə, göydələndə 4 milyon lirəlik mənzil
3. 1 milyon 850 min lirəlik bağ evi
4. Dubayda ev
5. Ad günü hədiyyəsi olaraq 520 min lirəlik "BMW 760" avtomobili
6. “EBR” seriyalı 50 min lirəlik avtomobil nömrəsi
7. Əbru Gündəş Kıbrısda verdiyi konsetdən 60 min lirə qazandı, amma əri ona 80 min lirəyə yaxta kirayələdi.
8. Rza Zərrab saxlanılmamışdan bir gün əvvəl aldığı Nazmi Ziyanın “Sənətçinin evi’ adlı rəsm əsərinin qiyməti 1 milyon 50 min lirədir
9. 12-16 milyon dollar dəyərində "Challenger 300" tipli təyyarə
10. İngilis cinsindən “El Ganador” adlı yarış atı
11. 1 milyon lirəlik “Duty Free” yarış atı
Qeyd edək ki, Rza Zərrabın Türkiyə vətəndaşı olduqdan sonra aldığı bütün daşınan və daşınmaz əmlakına həbs qoyulub. Siyahıda qeyd etdiyimiz təyyarə və "El Ganarador" atı artıq müsadirə olunub.
Xatırladaq ki, 50 türk lirəsi 22 manatdır.
Şərhlər