Ən azı 50 rəsmi anti-rüşvət kampaniyası tərəfindən ifşa edilib
Çinin Təhlükəsizlik Komitəsinin sabiq rəisi ömürlük həbs cəzasına məhkum edilib. Anspress-in məlumatına görə, Çin dövlət mediası bildirib ki, Zhou Yongkang korrupsiya ittihamı ilə həbs cəzasına məhkum edilib.
O, Kommunist Partiyasının anti-rüşvət kampaniyası tərəfindən cəzalandırılan ən yüksək səlahiyyətli şəxsdir. Rəsmi Sinhua xəbər agentliyi bildirib ki,72 yaşlı Zhou günahını etiraf edib və apellyasiyaya müraciət etmiyəcək. Məhkəmə Tianjin şəhərində qapalı qapılar arxasında keçirilib.
Zhou rəsmən ötən ay rüşvət, səlahiyyətlərindən sui-istifadə və dövlət sirlərini açıqlamaqda ittiham olunub. Lakin cümə axşamına qədər onun məhkəmə tarixi və yeri məxfi saxlanıb. Sinhua bildirib ki, Zhou ömrlük siyasi hüquqlarından məhrum olub və onun şəxsi əmlakı müsadirə edilib.
Qeyd edək ki, bu günə kimi ən azı digər yüksək vəzifəli 50 rəsmi və bir çox aşağı səviyyəli kadrlar anti-rüşvət kampaniyası tərəfindən ifşa edilib.
Şərhlər